ЧИНИЙ СЭТГЭЛИЙН ЗӨРГӨӨР

Хайртай гэх мөртлөө

Хагацахыг хүсэх учрал уу

Хачин тансаг атлаа

Хагдархыг хүсэх цэцэг үү

Үргэлж хамтдаа гэсэн байж

Салахыг хүсэх амраг уу

Үй түмээрээ түгдэг байж

Сансарт уусагч одод уу

Дэргэд нь байгаа хэрнээ

Түүнийгээ санах сэтгэл үү

Дэмий хоосон шаналж

Дотроо уйлах зүрх үү

Хүссэн бүхэн биелдэггүй

Хяслант энэ орчлонд

Ганцхан өдөр хүслээрээ амьдрах

Ганц л хүсэл надад байна