ЧИНИЙ СЭТГЭЛИЙН ЗӨРГӨӨР

Ядам хуруундаа бөгж зүүчихэж

Яах гэж тэгсэн юм бол

Худлаа намайг хууртана гэж санаа юу

Хурим хийгээгүйг чинь

Би мэднэ

Үдэш болзоонд зогсоогүйг чинь

Сар мэднэ

Үнсүүлж ичиж яваагүйг чинь

Салхи мэднэ

Сарнай цэцэг бэлгэнд аваагүйг чинь

Модод мэднэ

Санаа алдаж хэн нэгнийг үгүйлээгүйг чинь

Сэтгэл чинь мэднэ

Хайр минь зүрх минь чамайг

Харах л гэсэн дээ

Үдшээр сар болж

Үймрээ салхи болж

Өөр бас модод болж

Өөрийн чинь хүртэл сэтгэл болж явлаа

Хуруундаа зүүсэн бөгж чинь

Хуримынх байлаач хамаа алга

Сарнайн баглаа барьж

Болзоонд чамайг уринаа

Санаа алдаж намайг үгүйлвэл

Уруул дээр чинь үнсэнэ

Ядам хуруун дахь бөгжөө

Авч хая

Янагын бороонд шалба норж

Эрх чөлөөтэй алх